زائر
زائر
 |  موضوع: قصة قصيرة | الحكم ع المظاهر !!  25/8/2016, 19:08 | |
|  الحكم ع المظاهر !!
في عنا بالحارة امرأة كبيرة بالعمر .....عايشه لحالها بهل بيت يلي بآخر الشارع.. ما كان حد يقرب عليها او يحكي معها.. كان المتداول عنها انها ... إمرأة بتحكي كتير ..خرفانه بتنسى اكتر ما بتتزكر... بس الواقع هي ما كان مبين عليها هيك ابداً كنت اطلع عليها من بعيد اشوفها كل صبح بتصحى بتروح ع حديقة بيتها عندها وردات حلوين بتسقيهم وبتحطلهم سماد.. وبتحط لهل جاجات أكل بس هي مقطوعة من شجرة ما عمرنا شفنا حد عندها او حد اجى زارها... اشفقت عليها حكيت لامي تعالي نروح نزورها ليوم.. امي حكتلي لا اوعي تروحي بلاش تعمل فيكِ اشي تراها مجنونة... ما رديت ع إمي كان نفسي افهم قصتها لهل حجه ..بيوم راحت امي عند جارتنا رحت انا ودقيت عليها ..فتحتلي الباب قالتلي اتفضلي ادخلي.. خفت وما رضيت حكتلها معلش نحكي هون.. _اتفضلي عن شو بدك نحكي؟ _يا خالتي انتِ ليه عايشة لحالك.. يا خالتي كل الناس بتحكي عن مرة مجنونة بس انا ما بشوفك هيك ابداً ..يلي بتصحى كل يوم من الصبح لتهتم بحديقة بيتها وبتعطمي الحاجات والحمامات يلي عندها ما بتكون مجنونة... _أول مرة حد بحكيلي متلك ياالله اديه اشتقت اسمع هالحكي من حدا... يا بنتي انا مرة زوجها مات وتركلها أربع أولاد.. ربيتهم وكنت اشتغل طول الليل لاجيبلهم أكل لأقدر اربيهم اعلمهم واكبرهم.. كبروا ولادي اشي تروج وسكن بعيد عني اشي سافر برا ليدرس او يشتغل وانا ضليت بهل ديرة لحالي....وكله كوم يا خالتي وقصة اني مجنونة كوم ثاني.. اجى عندي مرة ولد صغير يطلب مني شغلة أنا ما وافقت اعطيه اياها وهو طالع زحلق ع الدرج ووقع انكسرت رجله قعد يبكي اجت امه واتهمتني انه انا.. الولد ما رضي يحكي الحقيقة صارت امه من دار لدار تلف وتحكي انه انا يلي وقعته وانا والله يا خالتي ما قربت عليه بس حسبي يالله ونعم الوكيل ما تصدقوا اي اشاعة بتنتشر فوراً...اتأكدوا من صحة الخبر بعدين صدقوه.. ما تحكموا عالناس من اول نظرة ..مو كل الناس متل بعضها.. ما تسمع عن الناس اسمع منهم ...ما تحكم ع اي شخص لانك ما بتعرف ظروفه ..حط حالك مكانه بعدين قرر موقفك تجاهه.... للكاتبة : ملاك الاعمر
|
|
